Arratsaldean hodei-geruza zertxobait trinkotuko da, eta zerua aurreko egunetan baina zikinago egongo da. Hala ere, ez da euririk espero eta giro lasaia eta atsegina nagusituko da. Hego-haizeak joko du beste behin, eta tenperaturan aldaketa gutxi: termometroek 20-22 gradu atsegin harrapatuko dituzte.
Bihar goizean txokoren batean behe-laino pixka bat sortu daiteke. Hala ere, segituan jasoko du eta giro eguzkitsu eta ederra nagusituko da, tarteka goi-hodeixka zuriekin. Arratsaldearen gehienean giro eguzkitsua nagusituko da. Azken orduetan mendebaldetik barrena goi-hodeiak ugarituko dira, baina inolako ondoriorik gabe. Hego-haizeak ahul xamar joko du. Tenperaturak behera egingo du, eta termometroek gehienez 18-20 gradu harrapatuko dituzte.
