Arratsaldean ere antzeko joerak jarraituko du, eta goi-hodei finak ostarte zabalekin tartekatuko dira. Hego ukituko haizea nagusituko da egunaren gehienean, azken orduetan ipar ukitu bat hartuz. Tenperaturak goraka jarraituko du, eta termometroak gehienez 20-22 gradura iritsiko dira.
Bihar behe-lainorik gabe, baina aurreko egunetan baino hodei gehixeagorekin hasiko da eguna, nahiz eta ostarte zabalak nagusituko diren. Arratsaldean hodei-geruza zertxobait trinkotuko da, eta zerua aurreko egunetan baino zikinago egongo da. Hala ere, ez da euririk espero, eta giro lasaia eta atsegina nagusituko da. Hego-haizeak joko du beste behin eta tenperaturan aldaketa gutxi; 20-22 gradu atsegin harrapatuko dituzte termometroek.
