Arratsaldean goi-hodei finen bat salbu, zeruan urdinak nagusi izaten jarraituko du, eta halaxe jarraituko du eguna amaitu bitarte. Ipar-ekialdeko haize leuna nagusituko da. Tenperaturak nabarmen egingo du gora, eta 15-18 gradu harrapatuko dira.
Bihar berriro ere behe-lainoa agertuko da bailaretan, baina azkar jasoko du eta behin jaso ostean, giro eguzkitsu eta ederra nagusituko da. Arratsaldean tarteka goi-hodei finen bat edo beste agertuko da, baina batere trabarik egin gabe eguzkiari, eta giro ederra nagusituko da. Goizean hego ukituko haizea nagusituko da, eta arratsaldean ipar-ekialdetik finkatuko da. Oraindik eta gehiago epelduko du, eta 19-21 gradu harrapatuko dira.