Eguerditik aurrera eta mendebaldetik barrena hodeiak ugaritzen hasiko dira, arratsalde erdian fronte bat iritsiko da, zerua estali eta euritara joko du. Zaparrada giroa nagusituko da eta azken orduetan mardul botako du. Hego-mendebaldeko haizea oso zakar ibiliko da egunaren gehienean. Azken orduetan ipar-mendebaldera egin eta indarra galduko du. Tenperaturak gora egingo du, eta 15-17 gradu harrapatuko ditu.
Bihar, giro ilunarekin hasiko da eguna eta euri-giroa nagusituko da. Zaparradak sarri botako ditu eta tarteka mardulak izango dira. Arratsaldean ere antzeko joera errepikatuko da, nahiz eta ez den hainbeste euri egiterik espero. Haizeak ipar-mendebaldetik joko du eta bolada zakarrak utziko ditu, bereziki mendi inguruetan eta haize-guneetan. Tenperaturak behera egingo du, eta nekez gaindituko ditu 9-11 gradu. Elur-maila goizean 1.000 metroan kokatuko da, eta arratsaldean gora egingo du.