Arratsaldeko lehen ordutik aurrera hodeiak trinkoagoak izango dira eta ilunabar, gau partean barnealdetik euri pixka bat sartuko da. Hego-mendebaldeko haizeak jotzen jarraituko du, baina indar pixka bat ere galduko du. Hoztu egingo du, eta 13-15 gradu harrapatuko dira gehienez.
Bihar berriro ere erdi eta goi-mailako hodeiak ostarteekin tartekatuta hasiko da eguna, eta giro lasai eta atsegin batez gozatuko dugu. Arratsaldeak aurrera egin ahala ordea, hodei-geruza trinkotzen joango da, eta gau aldera barnealdetik barrena euri pixka bat sartuko da. Hego-mendebaldeko haizeak zakar antzean joko du. Hozten jarraituko du, eta gehienez 12-14 gradu harrapatuko ditugu.