Eguerditik aurrera eta behin frontea aldentzearekin batera euria nabarmen gutxituko da, baina oraindik zer edo zer bustiko du. Hego-haize zakarrak jotzen jarraituko du, eta tenperaturak behera egingo du gehienez 9-11 gradu harrapatuz. Elur-maila 1.000 metro inguruan egongo da.
Bihar beste fronte batek goizean giro kaxkarra ekarriko du. Zaparrada batzuk emango dira, baina orokorrean ahulak izango dira, eta ez da euri askorik espero. Eguerditik aurrera atertzera egingo du, eta arratsaldean giro lasaia nagusituko da, nahiz eta tantaren bat bota dezakeen. Goizean hego-mendebaldeko haize zakarra nagusituko da, arratsaldean mendebaldetik finkatuz eta indar pixka bat galduz. Tenperaturak nabarmen gora egingo du, eta termometroek gehienez 13-15 gradu neurtuko dute.
