Eguerditik aurrera eta arratsaldean zehar atertu egingo du, eta zerua zertxobait argiago agertuko da. Hego-mendebaldeko haizeak tarteka zakar jotzen jarraituko du. Tenperaturak behera egingo du, gehienez 10-12 gradu harrapatuz.
Bihar beste fronte ahul bat iritsiko da goizean, eta berriro ere zerua estalirik egongo da. Tarteka euri pixka bat ere egingo du. Arratsaldeko lehen orduetan ordea giroa lasaia izango da, eta tarteka ostarte batzuk ere ikusiko dira. Azken orduetan mendebaldetik barrena berriro ere euritara jo dezake. Haizeak hego-mendebaldetik zakar joko du. Tenperaturak koska polita egingo dute gora 13-15 gradu harrapatuz.
