Arratsaldean hodeiak eta ostarteak tartekatuko dira, eta eguraldi ateri eta lasaia nagusituko da. Iluntzean hodeiak ugarituko dira mendebaldetik, baina ez dute euririk ekarriko. Hego-mendebaldeko haizeak zakar jotzen jarraituko du. Tenperaturan aldaketa handirik ez, eta gehienez 10-12 gradu neurtuko dira.
Bihar hodei askorekin esnatuko da eguna, eta egunsentian ez da baztertzen euri pixka bat egitea. Hala ere, goizean atertu egingo du, eta ostarteak irekiko dira; giro atsegina nagusituko da. Arratsaldearen hasiera lasaia izango da, baina arratsalde erditik aurrera hodeiak ugarituko dira, eta iluntzean euri-zaparrada batzuk botako ditu, nahiz eta ez den euri askorik espero. Hego-mendebaldeko haizea nagusituko da goizean, eta azken orduetan mendebal edo ipar-mendebaldetik finkatuko da. Hoztu egingo du, eta gehienez 8-9 gradu neurtuko dira. Elur-maila azken orduetan 600-700 metro inguruan kokatuko da.