Arratsaldeko lehen orduan, ordea, hodeiak ugarituko dira, eta ez da baztertzen hegotik zaparradaren bat sartzea. Ezer gutxi, hala ere. Gauean giroa lasaitu egingo da. Haizeak hego/hego-ekialdetik zakar edo oso zakar joko du. Hoztu egingo du eta nekez gaindituko dira 10-11 gradu.
Bihar erdi eta goi-mailako hodeiak ostarteekin tartekatuz hasiko da eguna; hodeiak izango dira nagusi, baina euririk ekarri gabe. Arratsaldeko lehen orduetan antzeko joera errepikatuko da, baina arratsalde erditik aurrera mendebaldetik hodeiak ugarituko dira, gauean fronte bat sartuko da, eta euritara joko du. Hego/hego-mendebaldeko haizea ibiliko da, bolada zakarrekin oraindik ere. Tenperaturak antzeko jarraituko du, gehienez 10-12 gradu izango ditugu.
