Gainera, goizak aurrera egin ahala, ostarteak nagusituko dira. Arratsalde erditik aurrera eta mendebaldetik barrena hodeiak ugarituko dira, baina ez du euririk egingo. Hego-haizea ibiliko da. Hozten jarraituko du, eta nekez gaindituko dira 11-13 gradu.
Bihar giro hodeitsuarekin hasiko da eguna eta tarteka euria egingo du. Hala ere, orokorrean ez da euri askorik espero. Arratsaldean zehar pixkanaka zaparradak urritzen joango dira, eta gauean ateri geratuko da, giro lasaiarekin amaituko dugu eguna. Haizeak hegotik baina ahul joko du, eta hozten jarraituko du, gehienez 10-12 gradu harrapatuko ditugu.
