Eguerditik aurrera zaparradak ahulagoak eta tartekatuagoak izango dira, eta euri gutxi izango da, gau aldera atertzeko joera hartuz. Haizea aldakor antzean ibiliko da, goizean ipar-mendebaldeko ukituarekin. Tenperaturak gora egingo du, 8-10 gradu harrapatuz. Elur-maila 1.000-1.100 metroan kokatuko da.
Bihar hodei askorekin hasiko da eguna, baina nahiko giro lasaia nagusituko da. Zaparrada bakanen bat salbu, nahiko ateri egongo da. Arratsaldean hodei-geruza trinkotu egingo da, eta euritara jo dezake. Zaparradak euri txiki modura emango dira eta ez du askorik egingo. Hala ere, giro motela nagusituko da. Ipar-ekialdeko haize fina nagusituko da. Tenperaturak behera egingo du, eta nekez gaindituko dira 6-8 graduak. Azken orduetan elur-maila 700 metroan kokatuko da.