Zaparrada giroa nagusituko da, baina orokorrean zaparrada ahulak izango dira eta ez da euri askorik espero. Arratsaldean zaparradak tartekatuagoak eta ahulagoak izango dira, guztiz atertu gabe. Ipar-haize fina nagusituko da, hoztuko du, eta nekez gaindituko dira 9-11 gradu.
Bihar zerua hodeitsu agertuko da goizeko lehen ordutik, baina hodeiek ez dute bestelako ondoriorik ekarriko, eta tantaren bat salbu, giro lasaia nagusituko da. Arratsaldean antzeko joera errepikatuko da. Akaso, zerua ez da hain estalirik agertuko, baina hodeiek nagusi izaten jarraituko dute. Gauean zerua estalirik geratuko da. Hego-haizea itzuliko da, tarteka bolada biziekin. Epelduko du, eta 12-14 gradu harrapatuko dira.