Arratsaldeko lehen orduetan antzeko joera errepikatuko da, baina arratsalde erditik aurrera mendebaldetik barrena hodeiak ugarituko dira, eta gau partean zerua estalita egongo da. Hala ere, ateri eutsiko dio. Hego-haizeak zakar edo oso zakar joko du. Epelduko du, 14-16 gradu harrapatu arte.
Bihar fronte bat iritsiko da goizean, zerua estalirik egongo da, eta euria egingo du. Zaparrada giroa nagusituko da, eta tarteka mardul xamar bota dezake. Hala ere, ez da euri askorik espero. Arratsaldean zaparradak tartekatuagoak eta ahulagoak izango dira, guztiz atertu gabe. Ipar-haize fina nagusituko da, eta hoztu egingo du, gehienez 11-13 gradu egingo duelarik.
