Hodei horiek tarteka euri txiki pixka bat utziko dute. Eguerditik aurrera ateri geratuko da, eta pixkanaka ostarte batzuk irekiko dira eta giro atsegina nagusituko da. Ipar-mendebaldeko haizea ibiliko da goizean, eta arratsaldean ipar-ekialdetik finkatuko da. Tenperaturak antzeko jarraituko du, 11-13 gradu harrapatu arte.
Bihar hodei batzuk ostarte zabalekin tartekatuko dira goizean, eta eguraldia atsegina eta egonkorra izango da. Arratsaldeko lehen orduetan antzeko joera errepikatuko da, baina arratsalde erditik aurrera mendebaldetik barrena hodeiak ugarituko dira, eta gau partean zerua estalirik egongo da. Hala ere, ateri eutsiko dio. Hego-haizeak zakar edo oso zakar joko du. Tenperaturak gora egingo du, 14-16 gradu harrapatu arte.
