Arratsaldean, hodei solteren bat salbu, giro eguzkitsu eta ederrak jarraituko du, eta halaxe amaituko da eguna. Hego-haizeak joko du, baina indar handirik gabe. Epelduko du, eta 14-16 gradu harrapatuko dira.
Bihar berriro ere litekeena da behe-laino pixka bat eta hodei-baxu hondar batzuk agertzea goizean, baina goizak aurrera egin ahala desagertuko dira, eta giroa eguzkitsua izango da. Arratsaldeko ordurik gehienetan antzeko joera errepikatuko da. Azken orduetan erdi eta goi-mailako hodeiak ugarituko dira, baina inolako ondoriorik utzi gabe. Hego-haizeak zakar joko du. Tenperaturak antzeko jarraituko du, eta 14-16 gradu harrapatuko dira.