Gainera, goizak aurrera egin ahala ostarte zabalak nagusituko dira. Arratsaldean hodeiak eta ostarteak tartekatuko dira, eta giroa lasaia eta atsegina izango da. Hego-haizeak jotzen jarraituko du, baina indarra galtzen joango da. Hoztuko du, eta 13-15 gradu harrapatuko dira.
Bihar behe-laino pixka bat eta hodei-baxuren bat edo beste agertuko da goizeko lehen orduetan, baina goizean zehar eguzkiak xurgatuko ditu, eta goiz erditik aurrera giro eguzkitsu eta ederra nagusituko da. Arratsaldean, hodei solteren bat salbu, giro eguzkitsu eta ederrak jarraituko du, eta halaxe amaituko da eguna. Hego-haizeak joko du, baina indar handirik gabe. Epelduko du, eta 14-16 gradu harrapatuko dira.
