Zaparradak ugariak eta ia etengabeak izango dira, baina orokorrean euri txiki modura botako duenez, ez da litro gehiegirik espero. Azken orduetan atertzera egingo du, eta giro nahiko lasaiarekin amaituko da eguna. Haizeak aldakor joko du. Tenperaturak behera egingo du nabarmen, eta nekez gaindituko ditu 12-13 graduak.
Bihar behe-lainoa eta hodei baxuak agertuko dira goizeko lehen orduetan, baina goizak aurrera egin ahala desagertzera egingo dute, eta giro eder eta atsegina nagusituko dira. Arratsaldean hodei solteren bat salbu, giro eguzkitsu eta ederrak jarraipena izango du eguna amaitu bitarte. Hego-haizea itzuliko da eta zakar joko du, bereziki egunaren bigarren zatian. Tenperaturak gora egingo du berriro, 15-17 graduak harrapatuz.
