Eguerdian eta arratsaldeko lehen orduan ez da baztertzen euri zipriztinen bat botatzea, baina huskeria izango da eta gehienean ateri egongo da. Azken orduetan gainera ostarteak nagusituko dira. Hego/hego-mendebaldeko haize biziaren eraginpean jarraituko dugu. Tenperaturak goraka jarraituko du, eta 16-18 graduan joko du goia.
Bihar giro ederrarekin hasiko da eguna, nahiz eta, bailaretan behe-laino pixka bat agertu. Behin behe-lainoa jaso ostean zeruan urdina nagusituko da, tarteka goi-hodei zurixka batzuk agertuagatik. Arratsaldean zerua ia erabat urdin agertuko da eta giro eguzkitsu eta eder batez gozatu ahalko da. Hego-haizearen eraginpean izango gara beste gun batez jarraian. Tenperaturak gora egin eta oso balore epelak neurtuko dira urte-sasoi honetarako, 18-20 gradu harrapatuko dira.