Eguerdi aldera giroa lasaiagoa izango da, baina arratsaldean euritarako joera handiagoa izango da. Zaparradak ugariagoak izango dira, eta tarteka mardul botako du, bereziki ilunabarrean. Haizeak goizean hego-mendebaldetik joko du eta mendebaldetik arratsaldean. Tenperaturak behera egingo du, eta nekez gaindituko dira 8-10 graduak.
Bihar giro bustiarekin hasiko da eguna, eta euri zaparradak botako ditu. Lehen orduan mardul bota dezake. Goiz erditik aurrera pixkanaka euria gutxitzen joango da, eta eguerditik aurrera atertuko du. Arratsaldean hodeiak eta ostarteak tartekatuko dira, eta giro lasaia nagusituko da. Gauean hodeiak ugarituko dira, tantaren bat baztertu gabe. Goizeko lehen orduan mendebaldeko haizea altxatuko da, eta gainontzeko orduetan hego-haizeak joko du. Epelduko du eta gehienez 13-15 gradu izango dira.
