Arratsaldean hodeiak trinkoagoak izango dira eta ez da baztertzen euri gehixeago egitea. Hala ere, orokorrean ez da euri askorik egiterik espero. Hego-mendebaldeko haizeak joko du eta tenperaturan ez da aldaketarik emango, 9-11 graduan joaz goia.
Bihar hodeitsu hasiko da eguna eta han-hemenka zaparradaren bat edo beste emango da. Euri askorik ez, hala ere. Eguerdi aldera giroa lasaiagoa izango da, baina arratsaldean euritarako joera handiagoa izango da. Zaparradak ugariagoak izango dira eta tarteka mardul botako du. Haizeak goizean hego-mendebaldetik joko du, arratsaldean mendebaldetik finkatuz. Tenperaturak behera egingo du, eta nekez gaindituko ditu 8-10 graduak.
