Arratsaldeko lehen orduetan erdi eta goi mailako hodeiak ugarituko dira mendebaldetik, baina ez dute inolako ondoriorik utziko. Gauean ordea, mendebaldetik fronte bat iritsiko da, zerua estaliko da eta euritara joko du. Hego/hego-mendebaldeko haizeak joko du, gauean ipar-mendebaldera aldatuz. Tenperaturak gora egin eta gehienez 15-17 gradura iritsiko da.
Hodei askorekin eta giro tristearekin hasiko da eguna bihar. Hodei horiek gainera tarteka zaparradaren bat edo beste utziko dute. Litrotan ez da askorik pilaterik espero, baina giroa bustia izango da. Arratsaldean euria tarteka eta ahul egingo du, baina kosta egingo zaio jasotzea. Ipar/ipar-mendebaldeko haizea nagusituko da, eta tenperaturak nabarmen egingo du behera, eta nekez gaindituko ditu 9-11 graduak eguneko erdiko orduetan.