Ondoren pixkanaka atertuko du, eguna giro lasaiarekin amaituz. Haizea aldakor antzean ibiliko da, eta tenperaturak koska polita gora egingo du, 11-13 graduak harrapatuz egunaren erdiko orduetan.
Bihar eguna hodei askorekin hasiko da, baina ateri egongo da eta goizean zehar ostarte politak nagusituko dira. Egunaren erdiko orduak politak izango dira, baina arratsaldeak aurrera egin ahala mendebaldetik barrena hodeiak ugaritzen joango dira, gauean fronte bat sartuko da eta horrekin zerua estali eta euritara joko du. Haizeak egunaren gehienean hegotik joko du, gauean ipar-mendebaldetik finkatuz. Tenperaturak gora egingo du, 14-16 graduak harrapatuz.