Arratsaldean zaparradak tartekatuagoak izango dira, eta zertxobait ahulago botako du, baina giro euritsuak jarraituko du. Ipar/ipar-mendebaldeko haizeak bizi-bizi joko du eta tenperaturak behera egingo du, eta nekez gaindituko ditu 7-9 graduak. Elur-mailak behera egingo du 1.000 metrora jaitsiz.
Bihar euritarako joerarekin hasiko da eguna, eta oraindik zaparrada batzuk izango dira, bereziki goizeko lehen orduan, tarteka mardul botaz. Arratsaldean pixkanaka hasiko da atertzen. Azken orduetan atertuko du eta ostarte txiki batzuk ere irekiko dira. Ipar-haizea nagusituko da, arratsaldean ipar-ekialdeko ukitu batez. Tenperaturak antzeko jarraituko du, 7-9 graduak harrapatuz. Elur-maila goizeko lehen orduan 800/1.000 metroan kokatuko da.
