Eguerdian eta arratsaldeko lehen orduetan hodeiak eta ostarteak eta giro atsegina nagusituko dira, baina arratsalde erditik aurrera mendebaldetik barrena hodeiak ugarituko dira. Gauean fronte bat iritsiko da eta euritara joko du, eta zaparrada ederrak utziko ditu. Hego-haizea nagusituko da. Tenperaturak gora egingo du, eta gehienez 7-10 gradu harrapatuko ditu.
Bihar goizaldean aurreko eguneko frontearen hondarrak izango dira, eta tarteka zaparrada ahulen bat izango da. Hala ere, goizean atertzera egingo du, eta eguerdi ingurua lasaia izango da. Arratsaldean ordea, pixkanaka beste fronte bat gerturatuko da eta arratsalde erditik aurrera euritara joko du, eta gauean euri dezente botako du. Hego/hego-mendebaldeko haizeak joko du. Tenperaturak nabarmen gora egingo du, eta 13-15 gradutan errendituko dira.