Zaparradak ugariagoak izango dira eta mardul botako du, ekaitzak jotzea baztertu gabe. Ipar-haizea nagusituko da eta tenperaturan ez da aldaketarik izango eta gehienez 10-12 gradura iritsiko gara. Elur-maila arratsaldean 1.100/1.200 metroan kokatuko da.
Bihar giro kaskarrarekin hasiko da eguna; zerua estalita egongo da eta euri giroa nagusituko da. Goizean zaparradak nahiko sarri botako ditu, baina ez dira oso mardulak izango. Arratsaldean aldiz euria ugariago eta mardulago botako du, eta tarteka ekaitzak jo eta kazkabarra egin dezake. Ipar-haizeak joko du eta tenperaturak beheraka jarraituko du, gehienez 6-9 gradura iritsiko gara. Goizean elur-maila 700-800 metroan kokatuko da eta azken orduetan 500 metroan zurituko du.
