Hala ere, arratsaldean hodeiak gutxituko dira, ostarte politak irekiko dira eta eguraldi atsegina nagusituko da. Hego-haizeak goizean zakar joko du, eta arratsaldean pixkanaka indarra galduko du. Tenperaturan aldaketarik ez, 20-22 harrapatuko baititugu.
Bihar hodeitza aldakorrarekin hasiko da eguna; gehienbat erdi eta goi-mailako hodeiak ostarteekin tartekatuko dira. Hala ere, ateri egongo da, eta eguraldi atsegina nagusituko da. Arratsaldean hodeiek eta ostarteek jarraipena izango dute, eta giro eder eta atseginarekin jarraituko dugu. Hego-haizeak jotzen jarraituko du, baina nabarmen baretuko da. Tenperaturak behera egingo du, eta gehienez 17-19 gradu harrapatuko ditugu.