Arratsaldeko lehen orduetan zerua argiago agertuko da, eta ostarte batzuk irekiko dira. Gau aldera berriro ere hodeiak ugarituko dira mendebaldetik, baina inolako ondoriorik gabe. Hego-haizeak zakar joko du, baina indar pixka bat galduko du. Tenperaturak behera egingo du, eta 20-22 graduak harrapatuko ditugu.
Bihar hodei askorekin hasiko da eguna berriro ere. Orokorrean erdi eta goi-mailako hodeiak izango dira, baina tarteka hodei trinkoagoak sartuko dira, eta ez da baztertzen zaparradatxoren bat edo beste botatzea, bereziki goiz erdian eta eguerdi aldera. Hala ere, arratsaldean hodeiak gutxituko dira, ostarte politak irekiko dira eta eguraldi atsegina nagusituko da. Hego-haizeak goizean zakar joko du, eta arratsaldean pixkanaka indarra galduko du. Tenperaturan aldaketarik ez, 20-22 harrapatuko baititugu.