Arratsaldeko lehen orduak argiak izango dira, baina azken orduetan hodeiak ugarituko dira berriro. Hala ere, ateri eutsiko dio eta giroa lasaia izango da. Hego-haizeak oso zakar joko du, bolada oso gogorrekin haize-guneetan eta mendi-inguruetan. Tenperaturak antzeko jarraituko dute, eta gehienez 22-24 gradu izango dira.
Bihar erdi eta goi-mailako hodei askorekin hasiko da eguna, eta zerua estali samar egongo da. Hala ere, zaparrada ahul eta isolaturen bat salbu, giro lasaia nagusituko da. Arratsaldeko lehen orduetan zerua argiago agertuko da eta ostarte batzuk irekiko dira. Gau aldera berriro ere hodeiak ugarituko dira mendebaldetik, baina inolako ondoriorik gabe. Hego-haizeak zakar joko du, baina indar pixka bat galduko du. Pixka bat hoztuko du eta gehienez 20-22 gradu izango dira.