Eguerditik aurrera erdi-mailako hodeiek desagertzera egingo dute, eta soilik goi-mailako hodei finak izango dira zeruan, eguzkiari batere trabarik egin gabe. Hego-haizea indarrean ibiliko da, bereziki arratsaldetik aurrera, eta azken orduetan bolada gogorrak utziko ditu. Tenperaturak antzeko jarraituko du, eta gehienez 17-19 gradu izango dira.
Bihar zeruan goi-mailako hodei ugari dela esnatuko da eguna, baina hodei horiek ez diote trabarik egingo eguzkiari eta giroa argia eta atsegina izango da. Arratsaldean antzeko joera errepikatuko da, eta goi-hodei finek zeruari kolore zurixka emango diote, baina eguzkiari trabarik egin gabe. Hego-haizea izango da nagusi. Bolada zakarrak edo oso zakarrak utziko ditu eta traba handia egingo du, bereziki haize-guneetan. Epelduko du eta gehienez 20-22 gradu izango dira.
