Zaparradak sarri botako ditu, tarteka mardulak izango dira, eta litro politak pilatuko dira. Arratsaldean zehar zaparradak tartekatuagoak eta ahulagoak izango dira, baina ez du atertuko eta giro bustiak jarraipena izango du. Ipar-mendebaldeko haizea nagusituko da, eta tenperaturak koska polita behera egingo du, gehienez 13-15 gradu harrapatuko ditugu.
Bihar hodeitsu hasiko da eguna, eta zerua ia erabat estalirik agertuko da. Gainera, hodei horiek euri pixka bat utziko dute goizean zehar, eta giroa motela izango da. Arratsaldean zehar pixkanaka atertuko du, eta azken orduetan ostarte txiki batzuk irekiko dira. Ipar-haizea nagusituko da goizean, eta arratsaldean ipar-ekialdetik finkatuko da. Tenperaturak zertxobait gora egingo du, 15-17 gradu harrapatuko dira.