Arratsaldean berriro ere egoera ezegonkortu egingo da, eta zaparrada batzuk botako ditu, tarteka gogotik bota dezake, ekaitz eta guzti. Goizean haizea aldakor ibiliko da, arratsaldean mendebaldetik finkatuz. Tenperaturak behera egingo du, 17-19 gradura iritsiz.
Bihar goizeko lehen orduetan hodei dezente izango da eta tantaren bat bota dezake. Hala ere, goizean zehar giro ateria eta atsegina nagusituko da denean. Arratsaldean zehar ordea mendebaldetik beste fronte bat iritsiko da eta euritara joko du. Zaparradak botako ditu, tarteka gogotik, bereziki gauean. Goizean haize aldakorra ibiliko da, arratsaldean ipar-mendebaldekoa nagusituz. Tenperaturak antzeko jarraituko du, 17-19 gradura iritsiz.