Eguerditik aurrera mendebaldetik barrena erdi-mailako hodeiak ugarituko dira, arratsalde erdirako zerua erabat estaliko da, eta ezin da baztertu tantaren bat botatzea. Hala ere, huskeria izango da, eta orokorrean ateri egongo da. Hego-ekialdeko haizeak zakar joko du. Tenperaturak antzeko jarraituko du, 18-20 graduak harrapatuz.
Bihar erdi eta goi-mailako hodei ugari agertuko da goizean goizetik zeruan, baina ateri egongo da eta ez dute inolako ondoriorik ekarriko. Arratsaldean, aldiz, hodeiak trinkotzen joango dira mendebaldetik barrena, eta azken orduetan euri zaparrada ahulen bat edo beste izango da. Hego/hego-mendebaldeko haizeak zakar edo oso zakar joko du, bereziki mendi inguruetan eta haize lekuetan. Tenperaturak antzeko jarraituko du, 18-20 graduan errendituz.