Goizean zehar atertzera egingo du eta ostarte batzuk ere zabalduko dira. Eguerdian eta arratsaldeko lehen orduetan giro lasaia nagusituko da, eta arratsalde erditik aurrera hodei gehiago agertuko da. Hego-mendebaldeko haize zakarra nagusituko da, eta tenperaturak 18-20 graduan joko du goia.
Bihar. Hodeiak eta ostarteak tartekatuko dira goizeko lehen orduan, eta eguerdirako eguraldi ederra nagusituko da. Arratsaldean zehar, mendebaldetik barrena goi-mailako hodeiak ugarituko dira. Hego-haize zakarra izango da, eta tenperaturak gora egingo du, 21-23 graduan joz goia.
