Goizean zehar jada goi-mailako hodei fin batzuk ikusiko dira zeruan, baina eguzkiari trabarik egin gabe. Arratsaldean goi-hodeiak ugarituko dira, zeruari kolore zurixka emanez, eta azken orduetan erdi-mailakoak ere ugarituko dira, baina batere ondoriorik utzi gabe. Hego-ekialdeko haizea nagusituko da, eta tenperaturak nabarmen gora egingo du, 19-21 gradura iritsiz.
Bihar hodei askorekin esnatuko da eguna, eta han-hemenka zaparrada txikiren bat edo beste izango da. Hala ere, goizean zehar atertzera egingo du eta ostarte batzuk ere zabalduko dira. Eguerdian eta arratsaldeko lehen orduetan giro lasaia nagusituko da, baina arratsalde erditik aurrera barnealdetik fronte bat iritsi, zerua estali, eta euritara joko du, zaparrada batzuk utziz. Hego-mendebaldeko haize zakarra nagusituko da. Tenperatura antzeko kokatuko da, 18-20 gradura iritsiz.