Hala ere, frontea azkar batean pasako da eta eguerdi alderako giro lasaia nagusituko da, nahiz eta, oraindik ezin den baztertu zaparradatxoren bat edo beste botatzea. Arratsaldean zaparradaren bat salbu, ateri egongo eta azken orduan ostarteak irekiko dira. Ipar-mendebaldeko haizea nagusituko da, bolada harroekin goizean. Tenperaturak behera egingo du, eta 19-21 graduan joko du goia.
Bihar ostarte zabalekin hasiko da eguna eta giro eguzkitsu eta ederraz gozatu ahalko da egunaren lehen zatian. Bigarrenean goi-mailako hodeiak ugarituko dira zeruari kolore zurixka emanez, baina ez dute inolako ondoriorik ekarriko. Gauean hodeiak ugarituko dira. Haizeak ipar ukitua izango du egun osoan zehar eta tenperaturak beheraka jarraituko du, eta 18-20 graduan joko du goia.
Egunsentian sartuko den fronte batek goizeko lehen orduan euria erruz utziko du eta giro euritsua nagusituko da.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!