Hala ere, ez dute bestelako ondoriorik ekarriko, eta giroa lasaia izango da. Hego-haizea nagusituko da egun osoan zehar, nahiz eta, arratsaldean tarteka iparrak muturra sartu. Tenperaturak gora egingo du; 23-25 graduan errendituko dira balio altuenak.
Bihar goizetik hasita zeruan hodei asko agertuko da. Goizean, erdi eta goi-mailakoak izango dira, eta eguerditik aurrera aldiz, hodei trinkoagoak. Arratsaldeko lehen orduan fronte bat iritsiko da, eta euritara joko du. Zaparradak ez dira mardulak izango, eta litro gutxi izango da. Hala ere, arratsalde bustia izango da. Hego-haizeak zakar joko du goizean, arratsaldean mendebaldetik finkatu eta ahulduko da. Tenperaturak behera egingo du, eta 22-24 gradu harrapatuko ditu, gehienez.