Ondoren, zerua ia erabat urdin agertuko da, eta halaxe eutsiko dio azken orduak arte. Gau aldera, hodei baxuren bat edo beste agertuko da. Goizean hego-ekialdeko haizea nagusituko da eta arratsaldean ipar-ekialdekoa. Tenperaturan aldaketa gutxi, 21-23 graduan errendituko dira balio altuenak.
Bihar goizean goiz zerua urdin agertuko da, baina goizak aurrera egin ahala, mendebaldetik hodei baxuak iritsiko dira. Hodei hauek zeruari kolore zurixka emango diote, eta halaxe mantenduko da arratsalde guztian zehar. Hala ere, ez dute bestelako ondoriorik ekarriko, eta giroa lasaia izango da. Hego-haizea nagusituko da egun osoan zehar, nahiz eta, arratsaldean tarteka iparrak muturra sartu. Tenperaturak gora egingo du; 23-25 graduan errendituko dira balio altuenak.