Arratsaldeko ordurik gehienetan antzeko joera errepikatuko da, eta zerua ia erabat urdin egongo da. Azken orduetan hodeiak ugarituko dira, baina ez du euririk egingo. Hego-ekialdeko haizea nagusituko da goizean eta iparraldekoa arratsaldean. Tenperaturak gora egingo du eta 21-23 graduan errendituko da.
Bihar goizean, berriro ere hodei baxu batzuk agertuko dira zeruan, eta eguzkiak azkar batean xurgatuko ditu. Behe-laino puntu bat ere ager daiteke, baina azkar jasoko du. Ondoren zerua ia erabat urdin agertuko da eta halaxe eutsiko dio azken ordura arte. Gau aldera, hodei baxuren bat edo beste agertuko da. Goizean hego-ekialdeko haizea nagusituko da eta arratsaldean ipar-ekialdekoa. Tenperaturan aldaketa gutxi, 21-23 graduan joko du goia.