Arratsaldean aldiz bero-hodei batzuk garatuko dira barnealdetik barrena, baina ez dute inolako ondoriorik ekarriko eta eguraldi lasaiak jarraituko du. Goizean haizea aldakor ibiliko da, eta arratsaldean iparraldetik finkatuko da. Tenperaturak behera egingo du, eta 21-23 graduan joko dute goia.
Bihar, zerua ia erabat estalirik agertuko da egunaren lehen orduetan. Hala ere, ez da euririk espero eta gainera orduek aurrera egin ahala ostarte zabalak nagusituko dira. Eguerdian eta arratsaldeko ordurik gehienetan ostarte zabalak nagusituko dira. Azken orduetan hodeiak ugaritu eta zerua estalirik geratuko da. Haizeak iparraldetik joko du egun osoan zehar, eta tenperaturak beheraka jarraituko du, eta 20-22 graduan joko du goia.
Erdi-mailako hodei batzuk ostarte zabalekin tartekatuz hasiko da eguna eta giroa polita eta atsegina izango da.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!