Arratsaldean aldiz, joera aldaketa bat emango da. Fronte bat iritsiko da, zerua estaliko da eta euritara joko du. Orokorrean ez da euri askorik espero, baina tarteka zaparrada politak botako ditu. Goizean hego-mendebaldeko haizea nagusituko da, arratsaldean ipar-mendebaldetik finkatuz. Tenperaturak gora egingo du, 22-24 graduan joz goia. Gauean nabarmen freskatuko du.
Bihar hodei askorekin hasiko da eguna eta tarteka-tarteka euri txiki pixka bat izango da, bereziki mendi kontretan. Arratsaldeko lehen orduetan antzeko joera errepikatuko da, non euri txiki moduan zaparrada txikiren bat edo beste izango den. Azken orduetan atertzera egingo du eta ostarte txikiren bat agertuko da. Ipar-haizea nagusituko da egun guztian zehar. Tenperaturak nabarmen behera egingo du, nekez gaindituz 16-18 graduak egunaren erdiko orduetan.