Arratsaldean erdi-mailako hodeiak ugaritzen joango dira, eta arratsalde erditik aurrera zerua nahiko zikin geratuko da. Hala ere, ez da euririk espero. Haizeak goizean aldakor antzean joko du, tarteka hego ukitu batekin. Arratsaldean iparraldekoa nagusituko da. Tenperaturak behera egingo du, 20-22 graduan joz goia.
Bihar giro atseginarekin hasiko da eguna, non erdi eta goi-mailako hodei batzuk ostarte politekin tartekatuko diren eta giroa atsegina izango den. Arratsaldean aldiz, joera aldaketa bat emango da. Fronte bat iritsiko da, zerua estaliko da eta euritara joko du. Orokorrean ez da euri askorik espero, baina tarteka zaparrada politak botako ditu. Goizean hego-mendebaldeko haizea nagusituko da, arratsaldean ipar-mendebaldetik finkatuz. Tenperaturak gora egingo du, 22-24 graduan joz goia. Gauean nabarmen freskatuko du.
