Eguerditik aurrera pixkanaka atertzeko joera hartuko du eta ostarteak irekitzen joango dira, eguna giro nahiko argiarekin amaituz. Haize aldakorra nagusituko da, egunaren bigarren zatian ipar-ekialdeko ukitu batekin. Tenperaturan aldaketarik ez, 16-18 graduan joaz goia egunaren erdiko orduetan.
Bihar hodei batzuk agertuko dira zeruan eta baita behe-lainoa ere, baina eguzkiak nahiko azkar xurgatuko ditu eta giro argia nagusituko da. Arratsaldean, hodei solteren bat salbu, zeruan urdina nagusituko da eta eguzkia jaun eta jabe izango da. Hego-ekialdeko haizeak joko du, arratsaldean iparraldekoari paso emanez. Tenperaturak gora egingo du, 18-20 graduan joaz goia.
