Hala ere, ateri egongo da eta giroa lasaia izango da. Arratsaldean aldiz, bero-hodeiak garatuko dira eta ekaitzetara joko du, bereziki ilunabar aldera. Zaparradak hegotik iparrera mugituko dira eta tarteka handiak izango dira, kazkabarra botatzea baztertu gabe. Goizeko hego-haizeak iparraldekoari emango dio paso arratsaldean. Tenperaturak behera egin eta 28-30 graduan joko du goia.
Bihar hodei askorekin hasiko da eguna, non zerua ia erabat estalirik agertuko den. Hodei hauek zaparradak utziko dituzte, non tarteka mardul botako duen, bereziki eskualdearen ekialdean. Arratsaldean antzeko joera errepikatuko da, zaparrada giroarekin, nahiz eta, goizean baino euri gutxiago egin. Gauean euritarako joera nabarmen jaitsiko da. Ipar-mendebaldeko haizea nagusituko da eta tenperaturaren beherakada handia izango da, 16-18 graduan joz goia.