Arratsaldean aldiz, bero hodeiak garatuko dira, zerua zikinago agertuko da eta ez da baztertzen ekaitzen bat lehertzea, nahiz eta, probabilitatea txikia izango den, eta orokorrean, ateri egongo den. Hego-haizea nagusituko da egunaren lehen zatian, arratsaldean mendebaldekoa nagusituz. Tenperaturak antzeko jarraituko du, 31-34 graduan joz goia.
Bihar zerua zikin xamarrik agertuko da egunaren lehendabiziko zatian, non erdi eta goi-mailako hodeiak ugariak izango diren. Hala ere, ateri egongo da eta giroa lasaia izango da. Arratsaldean aldiz, bero-hodeiak garatuko dira eta ekaitzetara joko du, bereziki ilunabar aldera. Zaparradak hegotik iparrera mugituko dira eta tarteka handiak izango dira, kazkabarra botatzea baztertu gabe. Goizeko hego-haizeak iparraldekoari emango dio paso arratsaldean. Tenperaturak behera egin eta 28-30 graduan joko du goia.