Arratsaldean, hodei solteren bat salbu, eguraldi eguzkitsu eta ederrak jarraipena izango du eguna amaitu bitarte. Hego-ekialdeko haizea nagusituko da, nahiz eta, ez den baztertzen arratsaldean ipar-ekialdekoak muturra sartzea. Tenperaturak nabarmen gora egin eta beroa handia izango da, 32-34 graduan joaz goia.
Bihar hodeiak eta ostarteak tartekatuz hasiko da eguna, non erdi eta goi-mailako hodei batzuk ikusiko diren zeruan. Arratsaldean aldiz bero hodeiak garatuko dira, zerua zikinago agertuko da eta ez da baztertzen ekaitzen bat lehertzea, nahiz eta, probabilitatea txikia izango den. Hego-haizea nagusituko da egunaren lehen zatian, arratsaldean mendebaldekoa nagusituz. Tenperaturak antzeko jarraituko du, 31-34 graduan joaz goia.