Eguerdirako edo gehienez arratsaldeko lehen ordurako ateri geratuko da eta egunaren bigarren zatian hodeiak eta ostarteak tartekatuko dira, giro atsegina nagusituz. Goizeko ipar-mendebaldeko haizeari, hego-mendebaldekoak emango dio paso. Tenperaturak gora egingo du, 22-24 graduan joz goia.
Bihar hodei askorekin hasiko da eguna, non goizak aurrera egin ahala ugaritu egingo diren. Hodei hauek goiz erditik aurrera euri txiki pixka bat utziko dute. Euri txikiak jarraipena izango du arratsaldeko lehen orduak arte, baina ondoren atertzera egingo du eta ostarte txiki batzuk irekiko dira. Haizea aldakor antzean ibiliko da, betiere, ipar ukitu batekin. Tenperaturan ez da aldaketarik emango, 22-24 graduan joz goia.