Zaparradak ez dira oso ugariak izango, baina tarteka mardul botako du. Arratsaldean zaparradak askoz tartekatuagoak eta ahulagoak izango dira eta azken orduetan atertzera egingo du, ostarte zabalak irekiz. Mendebaldeko haizea bizi ibiliko da. Tenperaturak nabarmen behera egingo du, 20-22 graduan joaz goia.
Bihar hodei batzuk agertuko dira zeruan lehen orduetan, baina goizak aurrera egin ahala pixkanaka gutxitzera egingo dute eta giro ederra nagusituko da. Arratsaldean, hodei solteren bat salbu eguraldi eguzkitsu eta ederrak jarraipena izango du. Haizeak goizean hego-ekialdetik joko du, arratsaldean ipar-ekialdetik finkatuz. Tenperaturak gora egingo du, 24-26 graduan joaz goia.