Arratsaldean antzeko joera errepikatuko da, nahiz eta, arratsalde erditik aurrera bero-hodei batzuk garatuko diren. Bero-hodei hauek ez dute inolako ondoriorik ekarriko. Ekialdeko haizea nagusituko da eta tenperaturak goraka jarraituko du, 28-30 graduan joaz goia.
Bihar giro ederrarekin emango zaio hasiera egunari, non goi-mailako hodei finen bat edo beste ostarte zabalekin tartekatuko diren. Arratsaldean aldiz egoera aldatuz joango da. Bero-hodeiak garatuko dira barnealdetik barrena eta ekaitzetarako joera hartuko du. Ekaitzak tartekatuak izango dira, baina puntualki gogorrak izan daitezke. Ipar-haizea ibiliko da eta tenperaturak behera egingo du, 26-28 graduan joaz goia.