Goiz erdian edo gehienez jota eguerdian atertu eta ostarteak irekitzen joango dira, arratsaldean askoz eguraldi argiagoa eta ederragoa nagusituz. Ipar-haizeak jotzen jarraituko du, baina tenperaturak zertxobait gora egingo du, 21-23 graduan joaz goia.
Bihar behe-laino pixka bat eta hodei hondarren bat agertuko da goizean, baina eguzkiak segituan xurgatuko ditu eta giro eguzkitsu eta ederra nagusituko da. Arratsaldean hodei solteren bat salbu, zeruan urdinak nagusi izaten jarraituko du eta giroa eguzkitsua eta bikaina izango da. Goizean hego-ekialdeko haizea ibiliko da, arratsaldean ipar-ekialdetik finkatuz. Tenperaturak gora egin eta 24-26 graduan errendituko da.
