Zaparrada bakan batzuk izango dira, uneren batean ekaitzak jo eta zaparrada handi xamarren bat baztertu gabe. Gauean giroa lasaitu egingo da. Ipar-haizeak jotzen jarraituko du beste egun batez eta tenperaturak behera egingo du, 24-26 graduan joz goia.
Bihar zeruan hodei dezente dela hasiko da eguna, baina hodei hauek apenas utziko duten euririk eta giroa lasaia eta atsegina izango da. Egunaren erdiko orduetan gainera ostarte politak irekiko dira eta giro ederraz gozatu ahalko da. Arratsaldean ekaitz isolaturen bat eman daiteke, baina orokorrean ateri egongo da. Azken orduetan berriro ere hodeiak ugarituko dira, egun amaieran euri langar pixka bat botaz. Ipar-haizeak joko du eta tenperaturak behera egingo du, 22-24 graduan joz goia.